Ֆրանկո Ներոն` 1966-ին նկարահանված «Ջանգո» ֆիլմի գլխավոր դերակատարը, կխաղա կինոնկարի շարունակությունում: Այս մասին հաղորդում է Twitch կայքը:
Ֆիլմը կկոչվի «Ջանգոն կենդանի է»: Այնտեղ կնկարահանվեն նաև Մարկ Բուն Ջտունիորը և Նոյ Սեգանը: Ներկայումս ֆիլմի հեղինակները փնտրում են գլխավոր կին դերակատարի և գլխավոր չարագործի դերակատարին:
Կինոնկարի ռեժիսորը կդառնա Ջո Դ’Ավգուստինը: Սցենարը կգրեն Էրիկ Զալդիվարը և Մարկ Մալոյը:
Ֆիլմում, որտեղ գործողությունները տեղի են ունենում 1915-ին` Հոլիվուդում, խոսքը կգնա արդեն ծերացած Ջանգոյի մասին: Ըստ սցենարի` գլխավոր հերոսն ապրուստ է վաստակում համր ֆիլմեր նկարահանող կինեմատոգրաֆիստների հետ խորհրդակցություններ անցկացնելով: Նոր ֆիլմում Ջանգոյի հակառակորդները դրամաշորթներ են, ովքեր փորձում են սպառնալ նրան:
