Մեծ Բրիտանիայի ազգային արխիվը ստեղծել է կայք, որում տեղադրել է զինծառայողների օրագրերի թվայնացված լուսանկարները, որոնք նկարագրում են կյանքը ճակատային գծում Առաջին համաշխարհային պատերազմի տարիներին (1914–1918): Մինչ տարեվերջ օգտատերերը 1.5 մլն էջի հասանելիություն կստանան: Այդ նախագիծը պատերազմի մեկնարկի հարյուրամյակին նվիրված կառավարական ծրագրի մաս է: Այս մասին փոխանցում է ITAR-TASS-ը:
Այդ ժամանակ յուրաքանչյուըր բրիտանական զինվորական ստորաբաժանում պարտավոր էր օրագիր լրացնել՝ ամեն օր գրառելով ճակատում տեղի ունեցած իրադարձությունների մասին: Գրառումներում բացակայում են կենցաղի նկարագրություները:
Կայքում տեղադրված են երեք հեծելազորային գնդերի և 7 հետևակային ստորաբաժանումների թվայնացված փաստաթղթերը:
2012 թվականին արխիվի ներկայացուցիչները խնդրել էին կամավորներին օգնել փաստաթղթերի մշակման գործում, որպեսզի հնարավորինս շատ բրիտանացիներ կարողանան իմանալ պատերազմին մասնակցած իրենց հարազատների մասին: 2013-ի հունվար-դեկտեմբեր ամիսներին մոտ 25 կամավորներ հարյուրավոր զինվորական օրագրեր են սքանավորել:
