Իսրայելի օրենսդրական հարցերով նախարարական կոմիտեն միաձայն հավանություն է տվել Իսրայելի կառավարման համակարգի մի շարք ասպեկտների կրճատմանն ուղղված միջոցառումներին: Այս մասին հայտնում է MigNews-ը:
Նախարարների կաբինետի դիտարկմանը ներկայացված առաջարկներով նախատեսվում է կրճատել նախարարների ու նրանց տեղակալների թիվը, ինչպես նաև վերացնել առանց պորտֆելի նախարարի պաշտոնը:
Եթե նոր օրենքն ընդունվի, ապա կառավարությանը վստահության քվե կարտահայտվի ամսական մեկ անգամից ոչ հաճախ, այլ ոչ թե ամեն շաբաթ, ինչպես այժմ է:
Օրինագծի առավել վիճելի դրույթներից է ձայների քանակի կրկնապատկումը, որը յուրաքանչյուր կուսակցություն պետք է ստանա Կնեսետում իր համար տեղ ապահովելու համար: Այդ շեմը ցանկանում են 2-ից հասցնել 4 տոկոսի:
Այդ միջոցառումների ընդունումը կարող է հանգեցնել այն բանին, որ ամենափոքր կուսակցությունները մնան խորհրդարանական կյանքից դուրս, առաջին հերթին դա սպառնում է արաբական կուսակցություններին:
