Իրանում ընթացիկ տարվա (ավարտվում է մարտի 21-ին) 10 ամիսներին առգրավվել է 400 տոննա քաշով տարբեր թմրամիջոցներ՝ հայտարարել է Իրանի Թմրանյութերի դեմ պայքարի հարցերով կազմակերպության փոխնախագահ Բաբեկ Դինպերեստը: Այս մասին փոխանցում է IRNA գործակալությունը:
Նրա խոսքով՝ առգրավված թմրանյութերի քանակը մեծացել է 19 տոկոսով՝ անցած տարվա նույն ժամանակահատվածի համեմատ:
«Երկրում ձերբակալվել է թմրանյութերի մաքսանենգությամբ զբաղվող 180 հազար մարդ, նրանց դեմ հարուցվել են քրեական գործեր»,- ասել է նա:
Կազմակերպության փոխնախագահը հավելել է, որ ներկայում Իրանում 1 մլն 325 հազար մարդ թմրանյութ է օգտագործում:
«Թմրանյութերի չարաշահումից երկրում տարեկան մահանում է 3000 մարդ»,- հայտարարել է Դինպերեստը:
Կազմակերպության տվյալներով՝ թմրանյութերից կախվածություն ունեցողների ճնշող մեծամասնությունը 15-64 տարեկան է:
