Դերասան Վախթանգ Կիկաբիձեն «Մի անգամ» հեռուստածրագրի եթերում պատմել է ուղեղի քաղցկեղի դեմ պայքարի մասին և խոստովանել է, որ ապրում է միայն շնորհիվ կնոջ: Այս մասին գրում է «Արգումենտի նեդելի»-ն:
Նշվում է, որ 37 տարի առաջ նույնիսկ Թբիլիսիի բնակիչները եկել էին հրաժեշտ տալու դերասանի տանը, սակայն նրա կինը՝ Իրինան, տանից հեռացրել է «վշտացողներին»:
«Եթե չլիներ Իրինան, ես հիմա ողջ չէի լինի: Միշտ, երբ ես հայտնվել եմ ծայրահեղ իրավիճակներում, նա եղել է իմ կողքին՝ ինչպես ժայռ»,- խոստովանել է Կիկաբիձեն:
Դերասանը պատմել է նաև հիվանդության ժամանակ իր վիճակի մասին: «Կարծես ներքևից մուրճով հարվածեցին գանգիս: Ես ընկա: Կորցրի կողմնորոշումս: Տեղափոխեցին հիվանդանոց: Այնտեղ գդալն անգամ չէի կարողանում բռնել, չէի կարողանում կանգնել, անընդհատ վայր էի ընկնում»,- հավելել է Կիկաբիձեն:
