Այսօր՝ սեպտեմբերի 11-ին, ԱԺ հայտարարությունների ժամին ՀՅԴ խմբակցության պատգամավոր Արմենուհի Կյուրեղյանը հայտարարեց, որ մոտ 25 տարի առաջ էլ ժողովրդի նույն խանդավառությամբ Լևոն Տեր-Պետրոսյանը, հմտորեն օգտագործելով «Ղարաբաղը մերն է» կարգախոսը, եկավ իշխանության. «Եվ ի՞նչ ունեցանք արդյունքում: Նա բերեց մի այնպիսի թիմ, որն իրականացրեց երկիրը քանդելու իր ծրագիրը»:
Պատգամավորը հարց բարձրացրեց՝ ի՞նչ թիմով է գալիս այդ առաջնորդը հրապարակ, և արդյո՞ք այդ թիմը ի զորու է իրականացնելու առաջ քաշված ծրագիրը: Արմենուհի Կյուրեղյանն ընդգծեց, որ սկսվել է աղանդավորների հզոր շարժում, համասեռամոլների, մարիխուանայի օգտագործման նկատմամբ խիստ հանդուրժողականություն:
Նրա խոսքով՝ քաղաքապետի իշխանության թեկնածուն առաջ է քաշում Վանո Սիրադեղյանի «մեր դեմ խաղ չկա» կարգախոսը՝ ժողովրդին բաժանելով սևի ու սպիտակի:
Անդրադառնալով ԱԱԾ պետի հայտարարությանը, թե ինչպե՞ս է ստացվել, որ գաղտնալսվել է ԱԱԾ պետի խոսակցությունը, Արմենուհի Կյուրեղյանն ասաց. «Կներեք, այդ հարցին դուք պետք է պատասխանեիք, պարոն ԱԱԾ պետ»:
Մանրամասները՝ տեսանյութում:
