Անհայտ անձը Ջեյմի Օլիվերի առանձնատան տարածք է մուտք գործել այն պահին, երբ տանը եղել են ինքը՝ ռեստորատորը, նրա կինը և հինգ երեխաները։
Բրիտանացի հեռուստահաղորդավար և ռեստորատոր Ջեյմի Օլիվերը, որը հայտնի է իր խոհարարական շոուով, վնասազերծել և բռնել է տուն մուտք գործած գողին։ Այս մասին գրում է Daily Mirror–ը։
Նկատելով անծանոթ տղամարդուն՝ հեռուստահաղորդավարը վազել է նրա հետևից, հասել է նրան և գետին է տապալել։ «Դա բնազդային արձագանք էր»,– բացատրել է միջադեպի ականատեսներից մեկը։
Աղմուկը լսելով նրա կողմն են վազել վարորդը և հարևան առանձնատների բնակիչները։ Միասին նրանք բռնել են կողոպտչին՝ նախքան ոստիկանության հասնելը։
Ավելի ուշ պարզվել է, որ չարագործը փորձել էր նաև ուրիշ տներ մտնել այդ փողոցում, այդ թվում հայտնի մոդել Քեյթ Մոսի տուն։
