72-ամյա բրիտանացի Բենջամին Սլեյդը ITV հեռուստաալիքի եթերում թվել է այն հատկությունները, որոնք պետք է ունենա նրա ապագա կինը։ Այս մասին գրում է Mirror-ը։
Գեորգ IV թագավորի ազգականը հայտնել է, որ նրա ապագա կինը պետք է շուրջ 35 տարեկան լինի։ Պարոն Սլեյդի տան տիրուհին պետք է կարողանա կրակել, ինչպես նաև ավտոմեքենա վարել և ուղղաթիռ կառավարել։ Բացի այդ, նա պետք է կարողանա երեխաներ ունենալ, քանի որ միլիոնատերը երազում է ժառանգի մասին։
Ամենայն հավանականությամբ, միլիոնատիրոջ ապագա կինը մասնագիտությամբ դիզայներ կամ տնտեսագետ պետք է լինի։ Ոչ երիտասարդ փեսացուն խոստովանում է, որ ինքը չի կարող անգամ գորգ գնել, իսկ տունը թարմացման կարիք ունի։ Մասնագետների օգնությանը դիմել չի ցանկանում, քանի որ այդ աշխատանքի համար վճարելը ճիշտ չի գտնում։
Ամուսնությունը կնոջ հետ, որը կկարողանա բավարարել նրա բոլոր պահանջները, Սլեյդը գերազանց գործարք է անվանում՝ «երկուսը մեկի գնով»։
