Մեքսիկացի հրուշակագործները կաթոլիկական տոների շրջանակներում թխել են հսկայական չափերի ամոքահունց բուլկի: Սոկալո կենտրոնական հրապարակում հայտնվել է «հրուշակեղենի արվեստի» հսկայական գործը՝ 1440 մետր երկարությամբ և առնվազն 9.3 տոննա քաշով՝ հաղորդում է ITAR-TASS-ը:
Մեքսիկայի դրոշի գույներով՝ կանաչ, սպիտակ, կարմիր, բուլկու պատրաստմանը մասնակցել է 2 հազար հրուշակագործ: Նրանք օգտագործել են 4.9 տոննա ալյուր, առնվազն 2 տոննա շաքարավազ և մարգարին, 900 կգ թթխմոր, ինչպես նաև մի շարք այլ ավանդական բաղադրիչներ:
Բուլկին հանրությանը ներկայացնելու միջոցառումը՝ Մեխիկոյի քաղաքապետ Միգել Անխել Մանսերայի գլխավորությամբ, գրավել է տասնյակ հազարավոր զբոսաշրջիկների և տեղի բնակիչների ուշադրությունը: Բուլկու 200 հազար կտոր անվճար բաժանվել են նրանց:
