Այսօր՝ սեպտեմբերի 7-ին, Ազգային ժողովում հրավիրված արտահերթ նստաշրջանում քննարկվում է Քրեական օրենսգրքում փոփոխություններ և լրացումներ կատարելու մասին օրինագիծը 2-րդ ընթերցմամբ ընդունելու հարցը:
ՀՀԿ խմբակցության պատգամավոր Կարինե Աճեմյանը իր ելույթում ասաց. «Համոզված էի, որ պետաիրավական հանձնաժողովը ամեն ինչ կանի, որ նախագիծը գրագետ տեսքի բերվի»:
Նրա խոսքով՝ իրենք ամեն ինչ արել են, որ Ընտրական օրենսգիրքը բարելավվի, ընտրությունները անցնեն թափանցիկ: Պատգամավորը հիշեցրեց, որ կառավարության ղեկավարը մշտապես խոսել է քաղաքական կամքի մասին: «Այսինքն՝ Ընտրական օրենսգիրքը կարող է լինել իդեալական, բայց միայն քաղաքական կամքի առկայության պայմաններում է, որ կարելի է անցկացնել ազատ, արդար ընտրություններ»,- նշեց պատգամավորը և հավելեց, որ նախարարներից մեկն արդեն կոպտորեն խախտում է օրենքը և քարոզարշավ է իրականացնում:
Նա ենթադրեց, որ վաղը ևս կարող են լինել ընտրակեղծարարություններ: «Ես կոչ եմ անում կառավարությանը դրսևորել քաղաքական կամք և ազատ արդար ընտրություններ անցկացնել. այսօր որևէ մեկը ձեզ չի խանգարում»:
Մանրամասները՝ տեսանյութում:
