Աղջիկը ծանր հիվանդության դեմ պայքարում էր երեխա ժամանակվանից, բայց ամեն օրը փորձու էր յուրահատուկ դարձնել:
21-ամյա բլոգեր Քլեր Վայնլենդն ի ծնե տառապում էր կիստոզային ֆիբրոզով: Այս հիվանդությունը հանգեցնում է լորձի պնդացմանը, որը արգելափակում է շնչառական ուղիները, բարդացնում է մարսողականությունը, ազդում է ենթաստամոքսային գեղձի և այլ օրգանների վրա, ինչպես նաև ժամանակ առ ժամանակ առաջացնում շնչարգելություն:
Լույս աշխարհ գալուց ի վեր աղջիկը մի քանի տասնյակ վիրահատություններ էր տարել, բայց հիվանդությունն այդպես էլ չէր նահանջում:
Բժիշկները զգուշացրել են, որ նման հիվանդությամբ նա երկար չի ապրի: Կլերը որոշեց չհանձնվել, բայց միաժամանակ ընկալեց այդ ախտորոշումը որպես փաստ: Այդ պատճառով նա որոշեց, որ վայելելու է կյանքի ամեն օրը, հաղորդում է Metro-ն:
Բժշկության զարգացմանը զուգընթաց բժիշկները գտան են նրա վերականգնման համար քիչ, թե շատ նպաստավոր միջոց`թոքերի փոխպատվաստումը: Կլերը կարող էր սպասել վիրահատվողների հերթում, բայց չցանկացավ: Սակայն ծնողների հետ երկար բանակցությունների արդյունքում աղջիկը փոխեց միտքը:
Վիրահատության օր նշանակվեց օգոստոսի 26-ը: Կլերի հարազատներն ու երկրպագուները մտահոգվում էին, բայց վստահ էին, որ ամեն ինչ լավ կընթանա: Բայց հրաշք այդպես էլ տեղի չունեցավ: Բժիշկները մի շաբաթ շարունակ փորձում էին փրկել աղջկա կյանքը, բայց դա նրանց այդպես էլ չհաջողվեց:
Չնայած ուժեղ կամքին և չհանձնվող բնավորությանը, Կլերը մահացավ հիվանդանոցի մահճակալին:
