Ռուսաստանի նախագահ Վլադիմիր Պուտինը և Ղազախստանի առաջնորդ Նուրսուլթան Նազարբաևը Կասպյան 5-րդ գագաթնաժողովից հետո քննարկել են ՀԱՊԿ գլխավոր քարտուղար Յուրի Խաչատուրովի շուրջ ծավալված իրավիճակը։
«Մեր քննարկելիք բոլոր թեմաներրց ամենակարևորը ՀԱՊԿ-ի գլխավոր քարտուղարի հարցն է, որը մեզ համար խնդիր է դարձել»,-հայտարարել է Նազարբաևը։
Ի պատասխան՝ Պուտինը նկատել է, որ «խնդրահարույց բնույթի» հարցեր իսկապես կան, սակայն օրակարգը հիմնականում վերաբերում է Ռուսաստան-Ղազախստան «լայն հարաբերություններին»՝ ՀԱԿՊ-ի և ԵվրԱզԷս-ի շրջանակում։
Խոսքը 2008-ի մարտի 1-ին Երևանում բողոքի ակցիան ցրելու քրեական գործի մասին է։ Դրա շրջանակում մեղադրանք է առաջարվել Հայաստանի պաշտպանության նախկին նախարար Միքայել Հարությունյանին, նախկին նախագահ Ռոբերտ Քոչարյանին և ՀԱԿՊ գլխավոր քարտուղար Յուրի Խաչատուրովին։ Խաչատուրովը գրավի դիմաց ազատ է արձակվել, Հարությունյանը հետախուզման մեջ է։
