Բազմաթիվ նավերի և օդանավերի անհետացումը «Բերմուդյան եռանկյունի» կոչվող տարածքում տարբեր տեսությունների կողմնակիցները կապում էին կորած ստորջրյա բուրգերի կամ նույնիսկ այլմոլորակային քաղաքակրթությունների ռազմական ներկայացուցիչների կողմից կառուցված թաքնված բազաների հետ։
Գիտական աշխարհի ներկայացուցիչներն այդ ընթացքում դեռևս փորձում են տրամաբանական բացատրություն գտնել այն ամենին, ինչ տեղի է ունենում Բերմուդյան եռանկյունու տարածքում, որտեղ միայն անցյալ դարում մի քանի տասնյակ ինքնաթիռ և նավեր են կործանվել և մի քանի հարյուր մարդ է զոհվել։
Նոր տեսության համաձայն՝ նավերի անհետացման պատճառը կարող են լինել հատուկ եղանակային պայմանները, որոնք նպաստում են հսկայական ալիքների գոյացմանը (մինչև երեսուն մետր բարձրությամբ)։
«Մարդասպան ալիքների» կամ «թափառող ալիքների» այս տեսությունը առաջ են քաշել Սաութհեմփթոնի համալսարանի փորձագետները։ Տեսությունը հատատվում է սիմուլյացիայով գիտափորձերի արդյունքներով։
