Մերձավոր Արևելքում հաջորդ պատերազմը կարող է բռնկվել ջրային ռեսուրսների համար, քանի որ Իրաքը, Սիրիան և Թուրքիան հավակնություն ունեն տարածաշրջանով անցնող երկու կարևոր գետերի՝ Եփրատի և Տիգրիսի նկատմամբ: Այս մասին գրում է Newsweek-ը՝ հղում կատարելով սիրիացի փորձագետ Նաբիլ ալ Սամմանի հոդվածին:
Միջազգային ջրի հարցերով սիրիացի մասնագետը իր հոդվածում ներկայացնում է «ջրային պատերազմ» հասկացությունը և փաստում, որ հենց ջուրը կարող է դառնալ տարածաշրջանում հաջորդ պատերազմի պատճառը:
Փորձագետը բնութագրում է այն իրավիճակը, որտեղ ջուրն օգտագործվում է որպես աղբյուրների վերահսկման զենք, իսկ ջրի ցանկապատը՝ որպես «հզոր պետությունների կողմից քաղաքական նպատակներով վերահսկվող» ապրանք:
