Խորվաթիայի նախագահ Կոլինդա Գրաբար-Կիտարովիչ մեկնաբանել է Մոսկվայում ֆուտբոլի աշխարհի առաջնության հաղթողներին պարգևատրության արարողության ընթացքում հորդառատ անձրևի ժամանակ անձրևանոցի բացակայությունը։ Նրա խոսքով՝ ինքը նույնիսկ չի էլ նկատել, որ անձրևանոցը միանգամից չեն մատուցել։
«Ես կարծես չէի էլ նկատում, որ անձրև է՝ մինչև դրա ավարտվելը։ Իմ սանրվածքը և այն, թե ինչպիսի տեսք ունեմ, այդ պահին ինձ համար նշանակություն չուներ, ես միայն խաղացողների մասին էի մտածում, նրանց մասին, որոնք մեր հայրենիքում և ամբողջ աշխարհում ֆուտբոլ էին դիտում»,-ասել է Խորվաթիայի նախագահը։
Գրաբար-Կիթառովիչը նշել է, որ առաջնությունն իրեն մեծ հույզեր նվիրեց։
«Երբ Մոսկվա ժամանեցի, ամենից շատ ցանկանում էի, որ Խորվաթիան հաղթի ֆուտբոլի աշխարհի առաջնությունում։ Չնայած գիտեի՝ եզրափակչում հայտնվելն արդեն իսկ մեր մեծագույն ձեռքբերումներից էր։ Առավել ևս, Ռուսաստանում այս աշխարհի առաջնությունն ամբողջ աշխարհի ուշադրության կենտրոնում էր»,-հավելել է նա։
