Մեծ Բրիտանիայի բնակչուհին նշել է 100-ամյա հոբելյանը՝ իր երկարակեցության գաղտնիք համարելով գարեջուրն ու թխվածքաբլիթը։ Այս մասին հաղորդում է BBC News-ը։
Լանքաշիր կոմսության Բլեքփուր քաղաքում բնակվող Էլին Մահերի հարյուրամյակի կապակցությամբ երեկույթ են կազմակերպել։ Բացի ավանդական տորթից, մատուցել են նաև հոբելյարի սիրելի գարեջուրը և վանիլային թխվածքաբլիթը։ Հենց դրանք է կինն իր երկար կյանքի գրավական համարում։ Երեկույթի ժամանակ Մահերն արել է իր կյանքում առաջին սելֆին և պարել լավագույն ընկերոջ դստեր հետ։
«Չէի սպասում, որ ծննդյանս կապակցությամ երեկույթ կկազմակերպեն, բայց շատ լավ էր։ Ես լավ չեմ քնել, բայց վաղը կքնեմ»,-ասել է կինը։
Մահերը ծերանոցում է հայտնվել 2015-ին, ամուսնու մահից հետո։
