«Ռուս-հայկական հարաբերությունների մասին մենք ավելի հաճախ խոսում ենք կա՛մ ԼՂ հարցի կարգավորման, կա՛մ տարածաշրջանային անվտանգության առումով, սակայն հայ-ռուսական դինամիկայի մասին հաճախ չենք խոսում. դա պարադոքս է: Մենք արտահայտում ենք կենացներ, հավատարմության երդումներ, մանտրաներ, թե՝ անկախ նրանից, թե ինչ հեղափոխական հուզումներ են լինում, մենք հավատարիմ կլինենք այդ ժառանգությանը՝ ինչպես խորհրդային ժամանակներում էին ասում՝ հավատարիմ ենք Լենինի գործին»,- «Հայաստան և Ռուսատան. Իրականություն, խնդիրներ և հնարավորություններ» խորագիրը կրող համաժողովին հայտարարեց ռուսաստանցի քաղաքագետ Սերգեյ Մարկեդոնովը:
Նրա խոսքով՝ բովանդակին վերլուծություն չի տարվում, այստեղից էլ ծնվում են ինչ-որ թյուրըմբռնումներ:
Անդրադառնալով Հայաստանի հնարավոր արևմտյան այլընտրանքին և ՆԱՏՕ-ին ինտեգրմանը՝ Մարկեդոնովը շեշտեց. «ՆԱՏՕ-ի այլընտրանքը փակ է Հայաստանի համար: Այդ թեման քաղաքականապես ակտուալ չէ, քանի որ Թուրքիան ՆԱՏՕ-ի անդամ է, իսկ այդ երկիրը ոչ միայն պատմական բարդ փոխհարաբերություններ ունի Հայաստանի հետ, այլև Ադրբեջանի ռազմավարական դաշնակիցն է և ԼՂ հարցով ամբողջովին աջակցում է Ադրբեջանին»:
Նրա խոսքով՝ 2016-ին ադրբեջանամետ դիրքորոշում են զբաղեցրել երկու երկրներ՝ Թուրքիան և Ուկրաինան. «Եվ այս իրավիճակում ՆԱՏՕ-ին ինտեգրումը զգալի չափով փակ է»:
Խոսելով փոխգործակցության մասին՝ Մարկեդոնովը նկատեց. «Փոխգործակցությունը չի հենվում սիրո վրա, այլ հենվում է շահերի վրա. համընկնում են շահերը՝ կլինի փոխգործակցություն, չեն համընկնում՝ կողմերը գնում են տարբեր ճանապարհներով»:
Մանրամասները՝ տեսանյութում:
