«Սերժ Սարգսյանը բազմիցս խոսել է 5+2 շրջանների վերադարձի մասին, դա նորություն չէ: Սերժ Սարգսյանը տվել է իր համաձայնություն. ինքն էլ է այդ մասին ասել…ՀՀԿ-ականները շատ բան կարող են ասել, թող մտնեն յութուբ լսեն Սերժ Սարգսյանի հարցազրույցեները, որտեղ նա ասում է, որ ինքը համաձայնություն է տվել Կազանի փաստաթղթին, անգամ գնացել են Մոսկվա՝ ստորագրելու, վերջին պահին Ալիևը հրաժարվել է: Սա նշանակում է, որ Ադրբեջանի համար Արցախի հակամարտությունը ավելի մեծ հակամարտություն է»,- «Առաջին լրատվական»- ի հետ զրույցում այս մասին ասաց «Մոդուս Վիվենդի» վերլուծական կենտրոնի ղեկավար Արա Պապյանը:
Նրա դիտարկմամբ՝ Արևմուտքի վերաբերմունքը Հայաստանի նկատմամբ էապես փոխվել է և կա պատրաստակամություն. «Իրենք հասկանում են, որ անվտանգության բաղադրիչը մեզ համար շատ կարևոր է, հասկանում են նաև մեր բավականին զգայուն իրավիճակը, այնուհանդերձ մենք պետք է ՆԱՏՕ-ի հետ մեր հարաբերությունները զարգացնենք, խորացնենք, որովհետև ցանկացած պետության համար այլընտրանքները կարևոր են: Հատկապես փոքր երկիրը հավասարակշռելու և հակակշռելու քաղաքականություն պիտի իրականացնի:
Փաշինյանի Բրյուսելում կարևորագույն հանդիպումներ կունենա: Այնտեղ նա ելույթ պիտի ունենա: Մենք պիտի ցույց տանք, որ ոչ միայն անվտանգության սպառող ենք այլ նաև տրամադրող՝ մեր չափով»:
Անդրադառնալով դիտարկմանը, որ Նախիջևանի ուղղությամբ թեժացումներ կան և կասկածներ կան, որ կարող է միաժամանակ մի քանի ուղղությամբ լինեն լարումներ, Արա Պապյանը նշեց. «Կարծում եմ՝ կողմերը գիտակցում են, որ խնդիրը բանակցություններով լուծման ենթակա չէ: Ամբողջը հակոտնյա է, ուղղակի բանակցային գործընթացը պահում են, բայց կողմերը պատրաստվում են պատերազմի»:
Ա. Պապյանի դիտարկմամբ՝ Նախիջևանը կարևոր հարց է նաև Իրանի համար, և եթե ինչ-որ բախում լինի Իրանը չի կարող անտարբեր լինել, հարցն իրավական չէ:
Մանրամասն՝ տեսանյութում:
