ԱՄՆ-ի ցամաքային զորքերի հրամանատարությունը ցանկանում Է արհեստական ինտելեկտն օգտագործել ռազմական տեխնիկայի աշխատանքը հսկելու համար, որպեսզի ժամանակին կանխի անսարքությունները: Այդ մասին հայտնել Է The Washington Post թերթի Էլեկտրոնային տարբերակը:
Չիկագոյում հաստատված հրատարակության տվյալներով՝ արհեստական ինտելեկտի ստեղծման Uptake ընկերությունը վերջերս բանակից միլիոնանոց պարտավորագիր Է ստացել Bradley M2A3 հետեւակի մարտական մի քանի մեքենաների վրա այն տեխնոլոգիայի փորձարկման համար, որը թույլ Է տալիս «կանխատեսել» ապագա անսարքությունները եւ վաղօրոք իրազեկել այդ մասին: Փորձարկումների հաջող ավարտման դեպքում այդ տեխնոլոգիան կիրառում կգտնի ցամաքային զորքերում, նշել Է թերթը:
«Մենք ցանկանում ենք ստուգել՝ կկարողանանք արդյոք Uptake-ի մշակումներից մի քանիսը օգտագործել տեխնիկայի աշխատանքում խափանումներն ի հայտ բերելու համար, նախքան դրանք տեղի կունենան,-հրատարակությանը պատմել Է Bradley-ի սպասարկման ծրագրի ղեկավար բանակային գնդապետ Քրիս Քոնլին:-Եթե դա ստացվի եւ նման հնարավորություններ ընձեռվեն, բանակը կկարողանա դա տարածել Bradley-ի ամբողջ հավաքակազմի, ինչպես եւ այլ զրահատեխնիկայի վրա»:
Uptake-ի մշակած տեխնոլոգիան, ինչպես սպասվում Է, թույլ կտա վերլուծել սարքերի աշխատանքը հսկող տվիչներից ստացվող ազդանշանները եւ տեղեկատվություն տրամադրել դրանց տեխնիկական վիճակի վերաբերյալ, գրում Է թերթը: Եթե բլոկներից որեւԷ մեկը տագնապալի ազդանշաններ ուղարկի, համակարգը դա կգրանցի եւ օպերատորին կիրազեկի «իր վերջին ժամերն ապրող մեխանիզմի» փոխարինման անհրաժեշտության մասին: «Մենք միայն վերջերս ենք ավարտել այդ տեխնոլոգիայի ստեղծման աշխատանքը,-թերթին հայտնել Է Uptake-ի նախագահ Գանիշ Բելլը:
-Ռազմական տեխնիկայի վրա այն փորձարկվելու Է առաջին անգամ»:
Գնդապետ Քոնլին, ինչպես ինքն Է խոստովանել, վստահություն չունի, որ ամեն ինչ հաջող կավարտվի, բայց նման տեխնոլոգիայի կիրառման բուն հեռանկարը «շատ հուսադրող Է»,-ասել Է նա: ԱՄՆ-ի ռազմածովային ուժերի պաշտոնաթող ծովակալ Մայքլ Մյուլլերը նշել Է, որ խոսքը վերաբերում Է մի տեխնոլոգիայի, որը բանակում ներդրվելու դեպքում Էականորեն կբարձրացնի երկրի զինված ուժերի մարտունակությունն ու արդյունավետությունը, հաղորդել Է ՏԱՍՍ գործակալությունը:
