ՀՀ արտակարգ իրավիճակների նախարարությունը զգուշացնում է, որ հունիսի 27-ին ուլտրամանուշակագույն ճառագայթման ինդեքսը կանխատեսվում է 6, որի դեպքում խորհուրդ է տրվում ժամը 11:00-ից 15:00-ն ընկած ժամանակահատվածում խուսափել արեգակի ուղիղ ճառագայթներից: Այս մասին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից:
Հանրապետության տարածքում`
Հունիսի 27-ի ցերեկը, 28-30-ը, հուլիսի 1-2-ը սպասվում է առանց տեղումների եղանակ:
Քամին՝ հարավ-արևմտյան՝ 3-8 մ/վ:
Օդի ջերմաստիճանը 27-30-ը կբարձրանա 4-5 աստիճանով, այնուհետև էապես չի փոխվի:
Երևան քաղաքում՝
Հունիսի 27-ի ցերեկը, 28-30-ը, հուլիսի 1-2-ը սպասվում է առանց տեղումների եղանակ:
Երևան քաղաքի հունիսի 28-ի բազմամյա կլիմայական տվյալներ.
• Օդի առավելագույն ջերմաստիճան՝ 33.70C (2007 թ.)
• Օդի նվազագույն ջերմաստիճան՝ 7.50C (1978 թ.)
• Օդի միջին օրական ջերմաստիճան՝ 19.40C
Հանրապետության գետերում բնական էական փոփոխություններ չեն դիտվել:
Հացահատիկային մշակաբույսերի բերքատվության կանխատեսում
Աշնանացան ցորենի ցանքի, աճի և ձմեռման պայմաններից ելնելով և ըստ ագրոօդերևութաբանական մասնագիտացված հաշվարկների՝ հացահատիկային մշակաբույսերի 2018 թ. միջին հանրապետական բերքատվությունը (հասկակալման փուլում) մեկ հեկտարից սպասվում է աշնանացան ցորեն՝ 18-18.5 ց, գարնանացան գարի՝ 15 ց, բոլոր հացահատիկայիններ՝ 17 ց:
