Ռուս երկրպագուն, որը ուղիղ եթերում համբուրել էր լրագրող Ժյուլյետ Գոնսալես Թերանին, եկել է Deutsche Welle-ի մոսկովյան գրասենյակ և սկայպով ներողություն է խնդրել նրանից։
«Ես ինձ թեթևամիտ եմ պահել և մտքովս չէր անցնում, որ իմ քայլը ձեզ կշփոթեցնի և կցնցի… Ես գիտեմ, որ ձեր աշխատանքը դժվար է, և ես հույս ունեմ, որ դուք այլևս երբեք նման միջադեպի հետ չեք բախվի ձեր գործունեության ընթացքոմ։ Ես իրոք շատ եմ ափսոսում»,– ասել է Ռուսլան անունով ներկայացած ռուսաստանցին։
DW-ն հաղորդում է, որ Ժյուլյետ Գոնսալես Թերանը ներել է նրան։
Ավելի վաղ Deutsche Welle հեռուստաալիքը մեղադրել էր երկրպագուին ոտնձգությունների մեջ։ Մոսկվայի Մանեժի հրապարակում, ուղիղ եթերի ժամանակ նա մոտեցել էր լրագրողուհուն, գրկել էր նրան և համբուրել։ .