ՌԴ նախագահի մամլո քարտուղար Դմիտրի Պեսկովը հայտարարել է, որ Կրեմլը Ռուսաստանի և ԱՄՆ–ի նախագահների հանդիպման վերաբերյալ պաշտոնական հայտարարություն դեռևս չունի։
«Ինչպես գիտեք, ոչ Կրեմլից, ոչ Սպիտակ տնից այս կապակցությամբ որևէ պաշտոնական հայտարարություն չի արվել։ Մենք դեռևս ասելիք չունենք։ Երբ պատրաստ լինենք, մենք պաշտոնապես կհայտարարենք։ Ինչ վերաբերում է Times թերթին, որքան էլ որ հարգեմ, դժվար թե այն կարող է բրիտանական ժողովրդին ներկայացնել»,– ասել է Պեսկովը։
Ավելի վաղ The Times թերթը, հղում անելով բրիտանական կառավարության աղբյուրներին, հաղորդել էր, որ ԱՄՆ վարչակազմի ներկայացուցիչները հույս ունեն, որ ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի հանդիպումը տեղի կունենա հուլիսին։
