Ֆրանսիացի հայտնի կինոռեժիսոր Մատյո Կասսովիցը մտադիր է նհարահանել ֆիլմ՝ նվիրված Նյու Յորքում 2001թ. սեպտեմբերի 11-ի ահաբեկչությանը: Այս մասին հայտնում է ITAR-TASS-ը:
Նա իր այդ մտադրության մասին հայտնել է Կաննում կինեմատոգրաֆիական համաժողովի ժամանակ:
Ինչպես ընդգծել է Կասսովիցը, իր ֆիլմում նա կցանկանար ներկայացնել այլընտրանքային մոտեցում, քանի որ ինքը կասկածի տակ է դնում իրադարձությունների պաշտոնական վարկածը:
«Ես կցանկանայի ֆիլմ նկարահանել սեպտեմբերի 11-ի մասին: Ֆիլմի հիմքում պետք է ընկած լինեն 8 տարվա հետազոտության արդյունքները, քանի որ այն, ինչ մեզ ասում են այդ թեմայով, ճիշտ չէ»,- ասել է ռեժիսորը:
Ռեժիսորի խոսքով՝ մշակույթի գործիչները չպետք է վախենան առաջադրել անհարմար հարցեր, երբ դրանք ծագում են:
Կաննում ռեժիսորը մասնակցել է իր վերջին՝ 2011թ. էկրանավորված «Կարգապահություն և բարոյականություն» վերջին ֆիլմի ցուցադրությանը:
Կասսովեցը մեծ ճանաչում ձեռք բերեց 1995թ., երբ էկրան բարձրացավ նրա կուլտային «Ատելություն» ֆիլմը:
