«Միշտ նախարարից 100 օր է պահանջվել, որպեսզի ոլորտը շատ ավելի լավ ուսումնասիրվի, սակայն հաշվի առնելով նոր իրողությունները՝ այդքան ժամանակ շռայլություն չենք կարող թույլ տալ,- «Առաջին լրատվական»- ի հետ զրույցում այս մասին ասաց Արտակարգ իրավիճակների նորանշանակ նախարար Հրաչյա Ռոստոմյանը՝ հավելելով, որ փորձում է ավելի արագ ու ավելի ընդգրկուն ներգրավվել աշխատանքի մեջ:
Նախարարի կարծիքով՝ այս համակարգում իր ստացած ժառանգությունը կարելի է գնահատել նորմալ, սական ոլորտում կան խնդիրեր, որոնք ունեն հրատապ լուծման կարիք: «Ամենակարևորը՝ նոր տեխնոլոգիաների դարում մենք մի փոքր հետ ենք ընկել, օր օրի փորձում ենք լուծում տալ այդ խնդրին, վստահ եմ, որ շատ արագ կունենանք և՛ հիդրոմետ ծառայության, և՛ սեյսմիկ անվտանգության արդիականացված համակարգ, նաև 911 ծառայության արդիականացման խնդիրը պետք է շտապ լուծել»:
Թ. Ռոստոմյանի խոսքով՝ ԱԻՆ-ում հայտնաբերվել է երկու կոռուպցիոն դեպք: Նախարարը նաև նշեց, որ ԱԻՆ-ում կադրային փոփոխություններն են իրականացվում, որոնք ինքնանպատակ չեն:
«Բոլոր ստրաբաժիններում ստուգումներ են իրականացվում: Պետք է ամեն ինչ զրոյից սկսենք, նոր իրողությունները նոր խաղի կանոններ են թելադրում: Պետք է իմանանք՝ ինչ է կատարվել անցյալում, քանի որ սխալները չենք ուզում տեղափոխել ապագա» – ընդգծեց Թ. Ռոստոմյանը:
Մանրամասները՝ տեսանյութում
