Թմրավաճառը իր 1,2 մլն եվրո արժողությամբ առանձնատունը, որն ունի մարզասրահ, գրադարան և երեկույթների դահլիճ, քողարկել է որպես կովերի անասնագոմ՝ գրում է Mirror-ը:
63-ամյա Ալան Յոմանսը վեց ննջարան ունեցող տուն է կառուցել Դեբոշիրում 2002թ., և մինչ այժմ նրան հաջողվել է թաքցնել իր անշարժ գույքը:
Առանձնատունը կառուցվել է առանց թույլտվության, այն գտնվում նրա մորը պատկանող հողամասում: Որպեսզի ոչ ոք գլխի չընկնի, թե ինչ ներքին հարդարանք ունի տունը, արտաքինից այն պատված է կանաչ տախտակներով:
2016թ. Ալանը դատապարտվել է վեց տարի ազատազրկման, և միայն այդ ժամանակ է պարզ դարձել, թե ինչ կառույց է դա: Այժմ նա պետք է որպես փոխհատուցում վճարի 650 հազար եվրո, կամ էլ հինգ տարով կերկարացնեն նրա բանտարկության ժամկետը:
