28-ամյա չինացին, ում անհայտ անձինք առևանգել էին 5 տարեկան հասակում, հայտնաբերվել է 23 տարի անց: Ինչպես հաղորդում է fedpost-ը, լավ հիշողությունը, քարտեզները և կամավորները օգնել են տղային գտնել ծնողներին:
Լո Գանն 1990 թ. առևանգվել է անհայտ անձանց կողմից՝ մանկապարտեզի ճանապարհին: Նա դարձել է հազարավոր այն երեխաներից մեկը, որոնց այդ թվականներին առևանգել են Չինաստանում, որտեղ երկրի օրենքները (մեկ երեխայի քաղաքականությունը) նպաստել են երեխաների առևտրին:
Հայտնվելով նոր տան մեջ՝ տղան մտածել է, որ ինքը ժամանակավոր է հայտնվել այդտեղ: Սակայն ժամանակն անցել է, ոչինչ չի փոխվել, և նա հասկացել է, որ իրեն չեն պատրաստվում տուն ուղարկել:
2012 թ. հոկտեմբերին Լոն գրանցվել է կամավորների ֆորումում, որտեղ ծնողները և առևանգված երեխաները փորձել են գտնել միմյանց: Գանը կայքում տեղադրել է իր արտաքին տեսքի նկարագրությունը և այն ամենը, ինչ իրեն հաջողվել է հիշել:
Հենց այս ֆորումի շնորհիվ էլ նրան հաջողվել է հայտնաբերել իր ընտանիքին:
