Կվերանայվի՞ արդյոք Ընտրական օրենսգիրքը, մասնավորապես՝ ռեյտինգային ընտրակարգը, թե՞ ոչ, ըստ ԿԸՀ նախագահի՝ դա բացառապես քաղաքական ուժերի որոշելիք խնդիրն է։
«Եթե Ընտրական օրենսգրքի բոլոր կանոնակարգումները մնում են նույնը, և մենք չենք ունենում տարածքային ընտրական ցուցակներ, ապա դա միայն որոշ չափով կարող է թեթևացնել տեղամասային ընտրական հանձնաժողովների աշխատանքը»,- ասաց Մուկուչյանը։
Մեր դիտարկմանը, թե ինքը տեսնո՞ւմ է ԸՕ-ի փոփոխության անհրաժեշտություն, Մուկուչյանը պատասխանեց. «Կան դրույթներ, որոնք կարելի է կատարելագործել։ Կան առաջարկություններ, որոնք ներկայացվել են քաղաքացիական հասարակության, միջազգային դիտորդական կազմակերպությունների կողմից։ Երբ տեղի ունենա օրենսդրության ընդհանուր բարեփոխում, ճիշտ կլինի այդ դրույթները վերանայել, դիտորդների նկատած խնդիրները շտկել։ Դրանք ավելի կնպաստեն Ընտրական օրենսգրքի ընդհանուր նորմերի բարելավմանը։ Եվ եթե մենք պատրաստվում ենք համապետական ընտրությունների, և դա իրականացվելու է Ընտրական օրենսգրքում փոփոխությունների կատարմամբ, ապա կարծում եմ՝ հնարավոր է այդ ընթացքում նկատված խնդիրները վերացնել կամ կատարելագործել»։
Առավել մանրամասն՝ տեսանյութում:
