Մադրիդ ինքնավար համայնքի կառավարության ղեկավար Քրիստինա Սիֆուենտեսը ստիպված է եղել հրաժարական տալ՝ կրեմ գողանալու մեղադրանքների պատճառով։
Հանցագործությունը կատարվել էր դեռևս 2011 թվականին, սակայն տեսախցիկների տեսանյութերը լրագրողների ձեռքում է հայտնվել միայն հիմա։ Այս փաստն անմիջապես օգտագործել են Քրիստինայի հակառակորդները։
Այսպես է եղել. այդ օրը սուպերմարկետի անվտանգության աշխատակիցը կնոջ պայուսակում երկու սրվակ կրեմ է գտել՝ 40 եվրո արժողությամբ։ Սիֆուենտեսը պատրաստ է եղել փոխհատուցել վնասը, սակայն նրան պահել են մինչև ոստիկանության ժամանումը։ Շուտով նրան տուգանել և բաց են թողել։ Սիֆուենտեսը այդպես էլ չի հասկացել, թե ինչպես են սրվակները հայտնվել իր պայուսակում։ Միջադեպը նա «պատահական սխալ է» անվանել։
Արդյունքում քաղաքական գործիչը որոշել է հրաժարական տալ և այդ մասին հայտարարել է մամլո ասուլիսի ժամանակ։
