Այսօր ևս Երևանի պետական համալսարանում և դպրոցներում լսարաններն ու դասասենյակները սակավամարդ էին։ Ուսանողների մեծ մասը շարունակում է մասնակցել հանրահավաքներին, մի մասը ճանապարհների փակ լինելու պատճառաբանությամբ դասի չի գալիս։
Փողոցում մեզ հանդիպեցին նաև աշակերտներ, ովքեր նշեցին, որ հանրահավաքներին մասնակցելու պատճառով մի քանի օր է՝ դասի չեն գնում։ Այդ օրինակին հետևում են նաև իրենց ընկերները։
ԵՊՀ մամուլի խոսնակ Գևորգ Էմին-Տերյանը «Առաջին լրատվական»-ի հետ զրույցում ասաց, որ դասերը նորմալ իրականացվում են, դասապրոցեսը չի խաթարվել։
ԵՊՀ ներկայացուցիչը նաև հավաստիացրեց, որ դասերից բացակայած և հանրահավաքներին մասնակցած ուսանողների նկատմամբ որևէ խտրական վերաբերմունք չի լինելու։ «Դա իրենց իրավունքն է»,- ասաց ԵՊՀ խոսնակը։
Առավել մանրամասն՝ տեսանյութում:
