Եվրահանձնաժողովի բացած ծրագիրը կոչված է ապահովել պաշտպանության կարիք ունեցող ներգաղթյալների մուտքը Եվրոպա։ Բրյուսելը գովել է Գերմանիային՝ ցուցաբերած համերաշխության համար, որը ԵՄ-ի՝ փախստականների վերաբնակեցման ծրագրի շրջանակում Հյուսիսային Աֆրիկայից և Մերձավոր Արևելքից ևս 10 հազար ներգաղթյալի կընդունի։ Գերմանիայի կառավարությունից Եվրահանձնաժողովը համապատասխան երաշխիքները ստացել է այս շաբաթվա ընթացքում։ Այս մասին Funke մեդիախմբի պարբերականների հետ հարցազրույցում ասել է ԵՄ միգրացիայի և ներքին գործերի հատուկ հանձնակատար Դիմիտրոս Ավրամոպուլոսը։
«ԵՄ մյուս երկրները խոստացել են 40 հազար փախստական ընդունել, ուստի վերաբնակաեցման ծրագրի նպատակը կատարված է և նույնսկ գերկատարված է»,- նշել է Ավրամոպուլոսը՝ հավելելով, որ Գերմանիան կրկին համագործակցության համար պատրաստակամություն է ցուցաբերում, երբ խոսքը միջազգային համերաշխության մասին է։
Ապրիլի 19-ին Դմիտրիս Ավրամոպուլոսը Բեռլին կժամանի՝ Գերմանիայի ներքին գործերի նախարար Հորսթ Զեհոֆերի հետ հանդիպելու համար։
Եվրահանձնակատարը Բեռլինին կոչ է արել հնարավորինս շուտ չեղարկել միգրացիոն ճգնաժամի ֆոնին հայտարարված սահմանային վերահսկողությունը։ Նա զգուշացրել է, որ միշտ չէ, որ հավանության կարժանացնի նման միջոցները։
