Ֆրանսիայի նախագահ Էմանուել Մակրոնը կհաղորդի Սիրիայի վրա հարվածների մասին միայն դրանք հասցնելուց հետո: Այս մասին հաղորդել է վարչապետին կից՝ խորհրդարանի հետ կապերի գծով պետքարտուղարը:
«Միջազգային բանակցություններ են ընթանում (հնարավոր հարվածների վերաբերյալ), մասնավորապես, հինգշաբթի օրը, այդ կապակցությամբ կապ է հաստատվել ԱՄՆ նախագահ Դոնալդ Թրամփի հետ, քանի որ անհրաժեշտ կլինի համակարգված հարվածներ հասցնել, եթե նման անհրաժեշտություն իրոք ծագի: Բայց եթե նման որոշում կայացվի, ապա այդ մասին ձեզ նախօրոք չենք հաղորդի ոչ ես, ոչ՝ Ֆրանսիայի նախագահը»,- ասել է Կաստաները՝ պատասխանելով լրագրողների հարցերին:
«Նախագահը կքննարկի տվյալ հարցը միայն վարչապետի, ԱԳՆ ղեկավարի և ԶՈՒ նախարարի հետ: Եվ դա լրիվ բավարար է: Այդ տեղեկությունները չի կարելի հանրայնացնել, քանի որ այդ դեպքում կնշանակեր, որ մենք վտանգի տակ ենք դնում անցկացվելիք օպերացիայի որակը և այն մարդկանց, ովքեր պետք է դրանում մասնակցություն ունենան»,- ընդգծել է Կաստաները:
Այսպիսով, Սիրիայի վրա հարվածների մասին միայն այն ժամանակ հայտնի կդառնա, երբ դրանք իրականացվեն,- ամփոփել է քաղաքական գործիչը:
