Երևան քաղաքում ապրիլի 2-8-ին, իրականացված ծառայության ընթացքում Ճանապարհային ոստիկանության ճանապարհապահեկային ծառայության առաջին սպայական գումարտակի ծառայողների կողմից, ճանապարհային ոստիկանության հատուկ պահպանվող տարածք է տեղափոխվել՝ 142 տրանսպորտային միջոց:
Ոստիկանությունից հայտնում են, որ այդ 142 մեքենաներից մեկի վրա՝ առանց համապատասխան թույլատրության տեղադրված է եղել գերհզոր հատուկ ձայնային ազդանշաններ արձակելու սարքավորում, 64-ի վարորդները մեքենան վարել են ոչ սթափ վիճակում, իսկ 77 վարորդի նկատմամբ վարչական իրավախախտման վերաբերյալ արձանագրություն է կազմվել՝ համապատասխան փաստաթղթեր չունենալու և այլ խախտումների համար: Նույն ժամանակահատվածում 26 վարորդի նկատմամբ վարչական իրավախախտման վերաբերյալ արձանագրություն է կազմվել հողմապակու լուսաթափանցելիության չափի խախտման, իսկ 3 վարորդի՝ երթևեկության ընթացքում տրանսպորտային միջոցից տարբեր իրեր ու առարկաներ նետելու համար:
Մարզերում ապրիլի 2-8-ը Ճանապարհային ոստիկանության ճանապարհապարեկային ծառայության երկրորդ սպայական գումարտակի ծառայողների կողմից իրականացրած ծառայության ընթացքում ճանապարհային ոստիկանության հատուկ պահպանվող տարածք է տեղափոխվել 84 տրանսպորտային միջոց, որոնցից 1-ի համարանիշը եղել է փոխարինված, 76-ի վարորդները, մեքենան վարել են ոչ սթափ վիճակում: Նույն ժամանակահատվածում 29 վարորդ մեքենան վարել է ժամկետանց ԱՊՊԱ պայմանագրով, 133-ի նկատմամբ վարչական իրավախախտման վերաբերյալ արձանագրություն է կազմվել հողմապակու լուսաթափանցելիության չափի խախտման, իսկ 17 վարորդի՝ երթևեկության ընթացքում՝ տրանսպորտային միջոցից տարբեր իրեր ու առարկաներ նետելու համար:
