Թեհրանում ԱՄՆ վարչակազմում կադրային փոփոխություններն ընկալվում են որպես Իսլամական Հանրապետության վրա ճնշում գործադրելու փորձ:
Միավորված ազգերի կազմակերպության նախկին դեսպան Ջոն Բոլթոնի`ԱՄՆ նախագահի`ազգային անվտանգության հարցերով խորհրդական նշանակվելու լույսի ներքո Թեհրանը պետք է կենտրոնանա Մոսկվայի և Պեկինի հետ հարաբերությունների ամրապնդման վրա, քանի որ նոր խորհրդականն աչքի է ընկնում Իրանի նկատմամբ ունեցած իր կոշտ դիրքորոշմամբ: Այս մասին հայտարարել է Իրանի խորհրդարանի Ազգային անվտանգության և արտաքին քաղաքականության հանձնաժողովի նախագահ Ալլադին Բորուջերդին:
Որոշ փորձագետների կարծիքով`Թրամփի խորհրդականի պաշտոնում ՄԱԿ-ի նախկին դեսպանին նշանակելը կարող է Վաշինգտոնի կողմից ևս մեկ քայլ լինել` ուղղված Իսլամական հանրապետության հետ համատեղ համապարփակ գործողությունների ծրագրից հրաժարվելուն:
