Եգիպտոսի մայրաքաղաք Կահիրեում սպանվել է երկրի ՆԳՆ հակաահաբեկչական ստորաբաժանման սպա: Ինչպես հաղորդում է ITAR-TASS-ը, փոխգնդապետ Մուհամադ Մաբրուքը սպանվել է կիրակի երեկոյան դիմակավոր անձանց կողմից իր տան մոտ, որը գտնվում է Մադինաթ-Նասր շրջանում:
Հարձակում գործած անձինք յոթ անգամ կրակել են նրա գլխին և կրծքին, որից հետո թաքնվել են անհայտ ուղղությամբ:
Հայտնի է, որ Մաբրուքը վարում էր «Մուսուլման եղբայրների» ասոցիացիայի գործը ՆԳՆ-ին կից ազգային անվտանգության վարչությունում: Նա մասնավորապես հետաքննել է իսլամիստների զանգվածային փախուստը Վադլ Ալ-Նատրուն բանտից 2011թ. հունվարի 25-ի հեղափոխության ժամանակ: Նա զբաղվել է նաև ծայրահեղական խմբավորումների մոնիտորինգով, որոնք կտրուկ ակտիվացել են հուլիսի 3-ին նախագահ Մուհամմադ Մուրսիի տապալումից հետո:
Խմբավորումներից ոչ մեկն առայժմ չի ստանձնել սպանության պատասխանատվությունը: Մաբրուքն առաջին բարձրաստիճան սպան է, ով սպանվել է Մուրսիին իշխանությունից հեռացնելուց հետո: Եգիպտացի ուժայինները չեն կասկածում, որ սպանության հետևում կանգնած են ծայրահեղ իսլամիստները, որոնք վրեժ են լուծել փոխգնդապետից մասնագիտական գործունեության համար:
