ԱԺ-ում այսօր՝ մարտի 6-ին, հրավիրվել է արտահերթ նիստ՝ կառավարության նախաձեռնությամբ:
ԱԺ-ում Անվտանգության խորհրդի կազմավորման մասին օրինագիծը 2-րդ ընթերցմամբ ընդունելու հարցի քննարկմանը «Ելք» խմբակցության պատգամավոր Արարատ Միրզոյանը հիշեցրեց՝ ինքը դեմ էր, որ ԱԺ նախագահը, ՀՀ նախագահը Անվտանգության խորհրդի կազմից հանվեն, սակայն հիմա, նրա խոսքով, ինքը հասկացել է, որ այստեղ շատ լուրջ տրամաբանություն կա:
«Առաջարկում եմ հետայսու գործադիրն ավելի հետևողական լինի իր բռնած հետագծի քաղաքական կուրսի մեջ և անի հետևյալ փոփոխությունները. բոլոր նրանք, ովքեր գրված են անվտանգության ինստիտուտում, ըստ էության բոլորին հանել և սահմանել, որ Անվտանգության խորհրդի անդամ կարող են լինել ՀՀ վարչապետը, ԵՊՀ խորհրդի նախագահը և Շախմատի ֆեդերացիայի նախագահը»,- հեգնեց պատգամավորը:
Նա ասաց «Մեխն էլ ա ձեր ձեռքը, չագուճն էլ: Կեցցեք, ողջունում եմ, մեխեք՝ թող գնա. կա՛մ մեխը կջարդվի, կա՛մ չագուճը»:
Մանրամասները՝ տեսանյութում:
