Հնդկաստանում 2 տարեկան աղջիկը հորից հեռացել է ընդամենը 2 քայլ և անմիջապես առևանգվել։ Մումբայում տեսահսկման խցիկը նկարահանել է այն պահը, երբ փոքրիկ Ֆաթմա Շիրանը խանութից դուրս է եկել փողոց և հանդիպել անծանոթին։ Վերջինս անմիջապես վերցրել է աղջկան ու տարել իր հետ։
Հայրը նկատել էր, թե ինչպես է երեխան դուրս գալիս խանութից փողոց՝ խաղալու։ Երբ նա դուրս է եկել նրա հետևից և բղավել անունը՝ հասկացել է, որ սոսկալի բան է տեղի ունեցել։ Այս մասին հայտնում է Daily Mail-ը։
Տեսախցիկի արած կադրերն օգնել են ոստիկաններին 6 ժամ անց ձերբակալելու 28-ամյա մի տղամարդու։ Նրա հանցանքի շարժառիթները դեռևս հայտնի չեն։ Բժիշկները երեխայի մարմնի վրա վնասվածքներ և բռնության հետքեր չեն հայտնաբերել։
