Հոգևոր հայրերը, փետրվարի 25-ին, որպես բողոքի նշան փակել են Տիրոջ գերեզմանի տաճարը (Սուրբ Հարության տաճարը), որը համարվում է քրիստոնեության գլխավոր սրբությունը և ամբողջ աշխարհից տուրիսների ուխտատեղին։ Բավական կոպիտ շարադրված իրենց նամակում հունա–կաթոլիկ և հայկական եկեղեցիների եպիսկոպոսները բացատրել են, որ այդ քայլին են գնացել որպես բողոքի նշան ընդդեմ «Սուրբ հողում քրիստոնեական համայնքի և եկեղեցիների դեմ տարվող մշտական կամպանիայի»։
Նրանք նշել են, որ քրիստոնեաների վրդովմունքն է հարուցել օրինագիծը, ըստ որի Իսրայելի պետությունը իրավունք ունի բռնազավթել եկեղեցուն պատկանող հողային տարածքները։ Այս օրինագիծը կիրակի օրը քննարկվելու է նախարարների կոմիտեի նիստում, ինչից հետո այն ուղարկելու են քնեսեթի հաստատմանը։ Եկեղեցին նաև բողոքում է քաղաքային տուրքեր մտցնելու դեմ, որոնք, ըստ եկեղեցու, խախտում են ստատուս–քվոն։ Այնպիսի տպավորություն է ստեղծվում, որ այս գործողությունները նպատակ են հետապնդում «թուլացնել քրիստոնեական ներկայությունը Երուսաղեմում»,– նշում են նամակի հեղինակները։ Որպես արդարացում՝ Երուսաղեմի քաղաքապետարանը հայտարարում է, որ տուրքերը մտցվել են ոչ թե տաճարների նկատմամբ, այլ եկեղցու սեփականությունը համարվող անպիսի օբյեկտների, ինչպիսիք են հյուրանոցները և ընդունելությունների դահլիճները։ Իսրայելի ԱԳՆ–ն դեռևս չի արձագանքել այս մեղադրանքներին։
