Թուրքիայի կողմից Սիրիային ցուցաբերված մարդասիրական օգնության ծավալը կազմել է 979 մլն դոլար՝ գրում է թուրքական Sabah թերթը:
Ինչպես գրում է թերթը՝ ներկայումս Թուրքիան աշխարհի 96 երկրի ընդհանուր հաշվով 1 մլն 40 մլն դոլարի մարդասիրական օգնություն է ցուցաբերում:
Արտակարգ իրավիճակների հետևանքների կանխման և վերացման հարցերով թուրքական վարչության ղեկավար Ֆուաթ Օքթայը նախկինում հայտարարել էր, որ Թուրքիայի տարածքում բնակվող սիրիացի փախստականների թիվը մոտեցել է 300 հազարի:
Նրա խոսքով՝ ավելի քան 181 հազար մարդ ապրում է սիրիացի փախստականների համար թուրքական կառավարության ստեղծած ճամբարներում: Բացի դրանից՝ ավելի քան 100 հազար փախստական հիմնավորվել է Թուրքիայի սահմանային նահանգներում, որտեղ ապրում է ճամբարներից դուրս:
2011-ի մարտից Սիրիայում ընթացող հակամարտության ժամանակ այդ երկրում ավելի քան 115 հազար մարդ է զոհվել, ավելի քան 4.2 միլիոն մարդ հանդիսանում է ներքին տեղահանված, երկու միլիոն մարդ փախել է հարևան երկրներ: Փախստականների ընդունման հիմնական ծանրաբեռնվածությունն ընկել է Հորդանանի, Իրաքի, Լիբանանի և Թուրքիայի վրա:
