ԱՄՆ Հյուսիսային Կարոլինա նահանգում ձերբակալվել է 42-ամյա Ստիվեն Փլեդլը և նրա 20-ամյա դուստր Քեթին։ Նրանց դեմ առաջադրվել է արյունապղծության մեղադրանք։ 2017 թվականի սեպտեմբերին նրանք տղա երեխա են ունեցել։ Բացի այդ, հայրն ու դուստրը հաստատում են, որ հարսանիք են արել։
Ոստիկանությունում արյունապղծության մասին հայտնել է Ստիվենի կինը, ում ամուսինը լքել էր՝ սկսելով ապրելու դստեր հետ։
Ինչպես հայտնում է The New York Post-ը, Քեթիի ծնունդից անմիջապես հետո նրա հայրն ու մայրը նորածնին հանձնել էին որդեգրման։ Նա մեծացել է այլ ընտանիքում։ Սակայն 2016 թվականին աղջիկը որոշել է փնտրել իր կենսաբանական ծնողներին և գտել նրանց սոցցանցերի միջոցով։ Այդ ժամանակ Ստիվենն ապրել է Վիրջինիա նահանգում՝ կնոջ և 2 այլ դուստրերի հետ։
Ընտանիքը վերամիավորվել է, սակայն շուտով տղամարդու մոտ տարօրինակություններ են ի հայտ եկել։ Նա սկսել է քնել մեծ դստեր ննջասենյակում։ 2016 թվականին զույգն ամուսնալուծվել է։
Ստիվենն ու Քեթին տեղափոխվել են Հյուսիսյաին Կարոլինա։ Նահանգի օրենքներով՝ արյունապղծության համար նրանց կարող է սպառնալ 10 տարվա ազատազրկում։
