15 մարդ է ձերբակալվել Լոնդոնում անկարգություններից հետո, որոնք տեղի են ունեցել նախորդ գիշեր Բուքինգհեմյան պալատի առջև և Թրաֆալգարյան հրապարակում: Այս մասին հաղորդում է ITAR-TASS-ը:
«Խարույկների գիշերը (նոյեմբերի 5-6-ը) մի քանի հարյուր մարդ` Anonymus շարժման սպիտակ դիմակներով, փորձել են խարույկ վառել Բուքինգհեմյան պալատի առջև: Ոստիկանության հետ բախման ընթացքում պալատի տարածք են նետվել շշեր և վառվող փայտիկներ»,- հայտնել են իրավապահները:
Բախումներ են տեղի ունեցել նաև Թրաֆալգարյան հրապարակում, որտեղ վնասվել է Նելսոնի հռչակավոր սյունը:
«15 մարդ է ձերբակալվել, նրանցից 10-ը ներկա պահին կալանքի տակ են»,- ասել է Սքոթլենդ Յարդի ներկայացուցիչը:
