3 տարեկան Լարիանան սիրում է կոսմետիկան և նույնիսկ սեփական միկրոբլոգն ունի Instagram-ում, որտեղ սովորեցնում է բաժանորդներին ճիշտ դիմահարդարվել։
Նա սկսել է դիմահարդարման տեսադասեր տեղադրել համացանցում այս տարվա հոկտեմբերից և գրեթե անմիջապես հայտնի դարձել։ Աղջկա էջին բաժանորդագրվել է ավելի քան 7000 մարդ, նրա տեսանյութերը դրական մեկնաբանություններ են ստացել, ոմանք նրան նույնիսկ երիտասարդ նկարչուհի են անվանել։
Երկու շաբաթ առաջ աղջկա հոլովակներից մեկը հայտնել էր MyMakeupCover պորտալում։ Այն դիտվել է ավելի քան կես մլն անգամ։ Այդ ժամանակ նրա մայրը՝ Սուելան, սկսել է բացասական մեկնաբանություններ ստանալ անծանոթներից, ովքեր երեխայի զբաղմունքն անվանել են անընդունելի։
Օգտատերերը երկու ճամբարի են բաժանվել։ Աղջկա մայրը Yahoo-ի հետ հարցազրույցում պարզաբանել է, որ դստերը չի ստիպում դիմահարդարվել, բացի այդ, աղջիկը չափազանց լուրջ չի վերաբերվում դիմահարդարմանը, այդ իսկ պատճառով մայրը միջամտության անհրաժեշտություն չի տեսնում։
