«Լրագրողների պաշտպանության կոմիտե» միջազգային կազմակերպությունը հայտարարել է, որ Թրամփը գլխավորել է մամուլի ազատությունը ոտնահարող համաշխարհային առաջնորդների ցուցակը, ովքեր փորձում են լռեցնել քննադատությունը և գրաքննել քաղաքացիներին: Այս մասին ասվում է Կոմիտեի կայքէջում:
Նշվում է, որ Կոմիտեն Թրամփին շնորհել է «մամուլի համաշխարհային ազատության խաթարման» «մրցանակ»: Ինչպես հայտարարել է «Միջին Արևելք և Հյուսիսային Աֆրիկա» ծրագրի ղեկավար Շերիֆ Մանսուրը, Թրամփը պարգևատրվել է «ընդհանուր ձեռքբերումների համար», որով նա ազդել է «տեղական և միջազգային մակարդակով մամուլի ազատության վրա»: «Չինաստանի, Սիրիայի և Ռուսաստանի իշխանությունները որպես թևավոր խոսք այժմ օգտագործում են Թրամփի «ֆեյք նորությունները»:
Թրամփի գլխավորությամբ՝ Արդարադատության նախարարությունը չկարողացավ իրականացնել լրագրողական աղբյուրների պաշտպանության իր գործառույթները:
Երգիծական մրցանակներ ստացած համաշխարհային առաջնորդների ցուցակում ընդգրկվել են նաև ՌԴ նախագահ Վլադիմիր Պուտինը, Թուրքիայի նախագահ Ռեջեփ Թայիպ Էրդողանը և այլոք:
