Ռուսաստանը հայտարարվել է ամերիկացիների համար վտանգավոր երկիր։ ԱՄՆ Պետդեպը բաժանել է աշխարհի երկրները 4 կատեգորիայի. առաջին խմբում ներառվել են պետությունները, որոնցում լիարժեք անվտանգության համար ամերիկացիներին կոչ է արվել պահպանել զգուշավորության սովորական միջոցառումները, երկրորդ խմբում ներառվել են այն տարածքները, որտեղ պահանջվում է բարձր ուշադրություն, երրորդ խմբին դասվել են այն երկրները, որտեղ ուղևորություններից ավելի լավ է հրաժարվել, իսկ չորրորդ խմբում այն երկրներն են, որտեղ չի կարելի ուղևորել ոչ մի հանգամանքում։
Ռուսաստանը դասվել է երրորդ խմբին. ամերիկացիներին խորհուրդ չի տրվում այնտեղ այցելել։
Գլխավոր սպառնալիքների թվում անվանվում են ահաբեկչությունը, հանցավորությունը և ոտնձգությունները խաբեբաների և իրավապահ մարմինների կողմից։ ՌԴ-ի առավել վտանգավոր տարածքներ են ճանաչվել Մոսկվան և Սանկտ-Պետերբուրգը, Հյուսիսային Կովկասի բոլոր շրջանները, բռնակցված Ղրիմը։
Նրանք, ովքեր ռիսկի կենթարկեն իրենց և կուղևորվեն Ռուսաստան, խորհուրդ է տրվում զգոն լինել և խուսափել կուտակման վայրերից։
Ռուսաստանը հայտնվել է Վենեսուելայի և Հոնդուրասի հետ մեկ խմբում։
