2017 թվականին Արցախյան կարգավորման գործընթացում բեկում չարձանագրվեց։ Սեղանին դրված Մադրիդյան սկզբունքները շարունակում են մնալ բանակցության միակ փաստաթուղթը, իսկ ԵԱՀԿ Մինսկի խումբը մնում է թեկուզև նվազ արդյունավետությամբ, սակայն միակ գործուն հարթակը։
Ադրբեջանը, Թուրքիան տարիներ շարունակ հանդես են գալիս Մինսկի խմբի ձևաչափը փոխելու առաջարկով, վերջերս նույնիսկ ռուսական փորձագիտական շրջանակներում հնչեց տեսակետ այն մասին, որ Ղարաբաղյան հիմնահարցը պետք է կարգավորվի Մոսկվա-Անկարա-Թեհրան ձևաչափով, որը բավական արդյունավետորեն շարունակում է գործել սիրիական հակամարտության գոտում։
Հայաստանում բոլորը՝ թե՛ փորձագիտական և թե՛ քաղաքական դաշտում մերժում են Մինսկի խմբի ձևաչափի փոփոխության հնարավորությունը, ավելին, հենց Երևանն է շարունակում այս եռամիասնության արդյունավետ համագործակցության ջատագովը մնալ։
Ի՞նչ տվեց անցնող տարին Ղարաբաղյան կարգավորման գործընթացին, ապրիլյան կորստաբեր պատերազմից հետո 2017-ը որևէ նոր տարր բերե՞ց Արցախյան կարգավորման գործընթացում։ Այս և այլ հարցերի մասին «Առաջին լրատվական»-ի տաղավարում զրուցել ենք Արցախի նախագահ Բակո Սահակյանի խորհրդական Գառնիկ Իսագուլյանի հետ։
