Սեքսուալ ոտնձգությունների դեմ շարժման մասնակիցներ են դարձել դերասանուհիներ Նատալի Պորթմանը, Էմմա Սթոունը, Էշլի Ջադը և այլոք։
ԱՄՆ կինոարդյունաբերության, հեռուստատեսության և թատերական ոլորտի ներկայացուցիչները հիմնել են Time’s Up շարժումը, որի նպատակն է կանանց պաշտպանությունը, ովքեր տուժել են սեքսուալ և ոտնձգություններից և խտրականությունից։ Այս մասին հաղորդվում է շարժման պաշտոնական կայքէջում։
Time’s Up–ի ստեղծման նախաձեռնությանը սատարել են առնվազն 300 կանայք, որոնց թվում են դերասանուհիներ Նատալի Պորթմանը, Էմմա Սթոունը, Ռիզ Ուիզերսպունը, Էշլի Ջադը և այլոք։ Որպես կազմակերպիչ է հանդես եկել «Կրքի անատոմիա» հայտնի սերիալի հեղինակ և պրոդյուսեր Շոնդա Ռայմսը։
Շարժման մասնակիցները մտադիր են տուգանքների ենթարկել այն կազմակերպություններին, որտեղ աշխատակցուհիները սեքսուալ ոտնձգությունների են ենթարկվում, ինչպես նաև նպատակ ունեն սատարել ոտնձգությունների զոհերին։
Կանայք նաև գենդերային հավասարություն են պահանջում կինոստուդիաներում և երաժշտական գործակալություններում։
Ավելի վաղ հայտնի էր դարձել, որ «Ոսկե գլոբուս» մրցանակին նոմինացված դերասանուհիները մրցանակաբաշխության արարողությանը գալու են սև զգեստներով՝ ի նշան բողոքի ընդդեմ Հարվի Վայնշտեյնի, ումից որ ԱՄՆ–ում սկսվեց սեքսուալ ոտնձգությունների բացահայտումների շղթան։
