Հիվանդանոցից ոստիկանության Մուշի բաժնում դեկտեմբերի 25-ին հաղորդում է ստացվել, որ իրենց մոտ բուժօգնության են դիմել «որովայնի աջ պատի ձախ կեսի ծակած-կտրած վերք» ախտորոշմամբ` 1971 թվականին ծնված Հ. Ղ.-ն և «որովայնի առաջնային պատի ծակած-կտրած վերք» ախտորոշմամբ` 1980 թվականին ծնված Գ. Ծ.-ն: Ինչպես տեղեկացրին ՀՀ ոստիկանության հասարակայնության հետ կապի և լրատվության վարչությունից, մեկնած օպերատիվ խմբին Գ. Ծ.-ն հաղորդում է տվել, որ նույն օրը, ժամը 20.00-ի սահմաններում Գյումրիի Վ.Սարգսյան փողոցի 6 շենքի բնակարաններից մեկում տեղի ունեցած վիճաբանության ժամանակ 1983 թ. ծնված Գագիկ Կ.-ն դանակով հարվածել է իրենց և պատճառել վնասվածքներ, ապա Հ. Ղ.-ին հրել և գցել շենքի շքամուտքի աստիճաններին:
Նշանակվել է դատաբժշկական փորձաքննություն:
Նույն օրը ժամը 23.00-ին Վ.Սարգսյան փողոցի թիվ 6 շենքի դիմացից ոստիկանության ծառայողները Գագիկ Կ.-ին բերման են ենթարկել բաժին:
Գագիկ Կ.-ն ձերբակալված է:
Հանցագործության գործիք դանակն առգրավված է:
Կատարվում է քննություն:
