«Ժողովուրդ» թերթը գրում է. «Աջ ղեկով ավտոմեքենաների ներմուծման արգելքի որոշումը լուրջ դժգոհություններ է հարուցել: «Ժողովուրդ» օրաթերթը տեղեկացավ, որ ստեղծվել է «Աջ ղեկ» նախաձեռնություն, որի անդամները նախատեսում են վաղը բողոքի ցույց-ավտոերթ անցկացնել իշխանությունների որոշման դեմ:
«Աջ ղեկ» նախաձեռնության համակարգող Գևորգ Աճեմյանը «Ժողովուրդ» օրաթերթի հետ զրույցում պնդել է. «Մեր մտահոգություններն ենք ներկայացնելու այն մասին, որ չենք թողնի և կպայքարենք մինչև վերջ, որպեսզի վերահաշվառման օրենքը չգործի: Իսկ առաջարկը շատ պարզ է, պետք է ուղղակի բանակցություններ լինեն, և մենք մեր առաջարկը կանենք, կկարողանանք կառավարության հետ ընդհանուր հայտարարի գալ և դրույքաչափի շուրջ համաձայնության գալ: Դե, ինչպես հայտնի է՝ ով աջ ղեկով ավտոմեքենա ունի, ապրիլի 1-ից վերահաշվառումն արգելվելու է: Այսինքն` մարդը եթե աջ ղեկով մեքենա ունի, ապրիլի 1-ից հետո այն չի կարող վաճառել: Կամ, ասենք, չվաճառի, նվեր տա ինչ-որ մեկին, կապ չունի, վերանվանելու իրավունք չկա: Բայց չէ՞ որ դա մասնավոր սեփականություն է, և մարդ ինչպես ցանկանում է, այնպես էլ տնօրինում է»»:
Առավել մանրամասն՝ թերթի այսօրվա համարում:
