«Դա արհամարանք էր Սահմանադրական դատարանի և սահմանադրական կարգի նկատմամբ․ որևէ այլ ձևակերպում ես դրան չեմ կարող տալ։ Դրանով արդարացվում է մանդատագողությունը․մենք ձևակերպեցինք այդ եզրույթը և դրանով բացատրեցինք այն, ինչ-որ այս մեկ տարվա ընթացքում տեղի է ունեցել Վանաձորում։
Ստացվում է, որ կառավարությունը լինելով Հանրապետականի մեծամասնության կողմից ձևավորված՝ շարունակում է նույն գործելաոճը և արդարացնում է նմանատիպ գործողությունները, որոնք օրենքի հետ որևէ աղերս չունեն, որոնք հակասում են սահմանադրականությանը և ժողովրդավարության սկզբունքներին, այսինքն՝ այն ամպագորգոռ հայտարարությունները, որ մենք գնում ենք դեպի զարգացում, գնում ենք ավելի ժողովրդավարական երկիր դառնալու ճանապարհով, գնում ենք պառլամենտական կառավարում և այլն, ապա այս պարագայում այդ գործողությունները չեն երևում և ոչ մի կերպ դրանք կապ չունեն այս պրոցեսների հետ»,- «Առաջին լրատվական»-ի հետ զրույցում նշեց Վանաձորի ավագանու «Լուսավոր Հայաստան» խմբակցության ղեկավար Քրիստ Մարուքյանը՝ մեկնաբանելով կառավարության որոշումը։
Հիշեցնենք, որ «Լուսավոր Հայաստան» կուսակցությունը Սահմանադրական դատարանի որոշումից հետո դիմել էր կառավարությանը՝ Վանաձորում նոր ընտրություններ անցկացնելու համար, սակայն կառավարությունը մերժել էր ԼՀԿ-ի դիմումը։
Մանրամասները՝ տեսանյութում։
