Երուսաղեմը Իսրայելի մայրաքաղաք ճանաչելու մասին ԱՄՆ նախագահ Դոնալդ Թրամփի հայտարարությունը բորբոքել է արաբական և ամբողջ մահմեդական աշխարհը։ Անկասկած առաջիկա տարիներին հենց այս իրադարձությունն է լինելու այս երկրների արտաքին քաղաքական շարժիչը, ԱՄՆ նախագահի այս հայտարարությունն է պայմանավորելու տարածաշրջանի երկրների միջև հարաբերությունները։ Հայաստանը չի կարող անմասն մնալ այդ իրադարձություններից, որովհետև ուղիղ շոշափում է հայության շահերը, և որում ներգրավված են նաև Հայաստանի հարևան և բարեկամ երկրները։ Այս և այլ հարցերի շուրջ զրուցել ենք Երևանի պետհամալսարանի արաբագիտության ամբիոնի վարիչ Հայկ Քոչարյանի հետ։
-Պարոն Քոչարյան, այսօր Թուրքիայի նախաձեռնությամբ տեղի է ունեցել Իսլամական կոնֆերանս կազմակերպության արտահերթ նիստը: Էրդողանը իսլամական բոլոր երկրներին կոչ է արել ճանաչել Երուսաղեմը Պաղեստինի մայրաքաղաք: Ինչպե՞ս եք գնահատում այս պահին իրավիճակը:
-Իրավիճակը լարված է: Այն ինչ տեղի է ունենում Թուրքիայում՝ գործողություն է դեմքը պահելու համար: Մերձավոր Արևելք-ԱՄՆ քայլերը հաշվարկված են և այստեղ դեր է խաղում Թրամփի անձը, որը ոչ դիվանագիտական գործողությունների է դիմում: Հստակ երևում է՝ ԱՄՆ-ն տարածարշրջանում ընտրում է երկու պարտնյոր՝ Իսրայելն ու Սաուդյան Արաբիան և նրանց միջոցով փորձում է դիմագրավել: Սա Իրանի դեմ գործողություն է: Կհետևեն Իսլամական պետությունները Էրդողանի կոչին՝ դժվար է ասել: Սա պարզապես հռետորաբանություն է և ոչ մի կոնկրետ գործողություն չկա:
– Թրամփի հայտարարությունից հետո, ինչպե՞ս եք գնահատում պաշտոնական Երևանի հայտարարությունը: Հնարավո՞ր է հայ-իսրայելական հարաբերությունների տեմպը առկախվի:
-Այդ հայտարարությունը ոչինչ չասող է, այնտեղ բացակայում է ամենակարևորը՝ չկա մեր շահերի նշմարումը, մենք այնտեղ շահեր ունենք:Լավ կլիներ այդ հայտարարությունը պարունակեր նաև մեր շահերի հիշատակումը, ինչը կնշանակեր, որ մենք պահանջատեր ենք: Հայկական կողմից շահերի չնշմարումը կարող է վատ հետևանքներ ունենալ: Հայաստանը պետք է օգտվի ընձեռված հնարավորություններից և հետևողականություն դրսևորի:
Հարցազրույցն ամբողջությամբ՝ տեսանյութում
