Shamshyan.com-ի տեղեկություններով, երեկ՝ դեկտեմբերի 9-ին, արտակարգ դեպք է տեղի ունեցել Շիրակի մարզում: Ժամը 17:30-ի սահմաններում, Գյումրի քաղաքի բնակիչ, 17-ամյա Կ.Հ.-ն ոստիկանության Կումայրիի բաժին հայտնել է, որ ժամը 12:00-ի սահմաններում, Գյումրի քաղաքի Հաղթանակի պողոտայի թիվ 112 հասցեում գտնվող կիսաքանդ շինությունում ոմն Վանյան իր կամքին հակառակ, փորձել է սեռական հարաբերություն ունենալ իր հետ:
Ինչպես հայտնում է shamshyan.com -ը, Կ.Հ.-ն հայտնել է նաև, որ նա հանդիպելով իր կողմից դիմադրության, իր նպատակին չի հասել: Ոստիկանության Կումայրիի բաժնի քրեական հետախուզության և անչափահասների գործերով բաժանումքոների աշխատակիցների կողմից ձեռնարկված օպերատիվ հետախուզական միջոցառումների շնորհիվ պարզվել է, որ ոմն Վանյան հանդիսանում է Շիրակի մարզի գյուղերից մեկի բնակիչ, 18-ամյա Վանյա Հ.-ն, ով տեղափոխվել է ոստիկանության Կումայրիի բաժին, հետանքննչական բաժանմուքում նյութերի նախապատրաստման ընթացքում բացատրություն է տվել և բաց է թողնվել:
shamshyan.com-ի տեղեկություններով, Կումայրիի ոստիկանները պարզել են նաև, որ Վանյա Հ.-ն այս տարվա հուլիս ամսին, Գյումրիի բնակիչ, 38-ամյա Սենիկ Մ.-ի տանը սեռական հարաբերություն է ունեցել Գյումրիի բնակիչ, 15-ամյա Ա.Պ.-ի հետ: Իսկ մի քանի օր անց, նույն բնակարանում ևս սեռական հարաբերություն է ունեցել Սենիկ Մ.-ն՝ նույն Ա.Պ.-ի հետ:
Մանրամասները՝ shamshyan.com-ում
